Thursday, January 10, 2008

قرار .....؟؟؟؟؟؟ أم فرار...؟؟؟؟؟؟ بس مش هيافه.......!!!!!!!!!!؟

يمكن لما قررت اكتب ف البلوج دى ماكانش قرار اكتر منه محاوله للهروب من العالم اللى بره دا بالمره.......ماهى اصلها بجد مش نافعه....مش عارفه اكلم البشر اللى معايا وبالنسبه لهم انا طاقه ومجنونه وبافكر ببطء وبشكل غريب وباستوعب بعد الناس كلها..من الاخر مخلوق مختلف وبالتالى حتى لما باحب او باحاول اندمج معاهم مش باعرف....قلت لو كتبت ومافيش غيرى اللى قرا مش مشكله....اهو برده ابقى اتكلمت..... ومازعلتش حد منى بم ان ماحدش هنا يعرفنى...بس الغريب ان محاولاتى للاندماج استمرت حتى ف المدونات ...بعد ماكنت باقول حد قرا او ماقراش مش مشكله ...لا بقيت اطلب من الناس تقرا مدوناتى...اللى اعرفهم واللى ماعرفهمش بقيت اعمل دعوه مفتوحه واقول اتفضلوا...تخفيضات هايله....تصفيات ...بربع التمن....يابلاش. ياللا يا جدعان قبل ما يعقل يا جدعان...اوكازيون يا جدعان.. ولا مجيب.....والغريب ان محاولاتى ف الاندماج دى مستمره- رغم الاحباط المستمر-.سواء هنا او فى المدونه بتاعة الناس اللى هم بيتكلموا كلام تقيل كده ومجعلص و عيب انى احط الكلام دا معاه.- طبعا المحاولات هى اللى مستمره مش الاحباط الحمد لله......وعلى فكره انا باكتب هناك برده وفيه ناس بتقرا وتعلق الحمد لله...بس تصدقوا لما افتح هناك واقرا احس ان واحده تانيه هى اللى كتبت التعبيرات اللى هناك دى....ونفس الحال لما ابقى فاتحه هنا واجى ابص على هناك...احس ان ايه الهبل اللى انا كاتباه دا ومين اللى كتبت دى....الحمد لله ان اللى انا عاقله قدامهم ويعرفونى كويس مش بيشوفوا الحاجات لا دى ولا دى....ما هو اصل الحل الوحيد ساعتها انى مجنووووووووووووووووووونه....
اللى خلانى اكتب الكلام الغريب دا انى حسيت ان اد ايه انا كنت هايفه لما عبرت عن الجنان اللى جوايا بالكلام وبعدين رجعت تانى وقلت .....أمال هاعيش ازاى لو ماتجننتش؟؟؟؟؟؟؟؟؟؟
وبعدين اتجنن هنا بينى وبينكم احسن ما الخلق تتفرج عليا ....واللا ايه؟؟!!!!!!!!؟.........

2 comments:

فارس ابونضال said...

والله انتى دمك زى العسل سواء هنا او هناك هههههههههههههههههه اهو ترتاحى شويه من هناك بينى بينك هناك حمله على الهواه الغلابه وهناك الكثير اكثير من عشرين فاشل ههههههههه فشلوا فى حياتهم العملية وجم مكتوب يعملو نقاد ومحللين على قفانا على رأى المثيل بيتعلموا الزيانه فى رؤس اليتامى والزينه تعنى الحلاقةههههههههههههه

لا said...

بس حقيقته مفيش افضل من الاندماج مع العالم الخارجى افضل من عالم الخيال

لان فى الخارج توجد احتكاكات بين الناس ومعاملات يتعلم منها الانسان

بالهروب لايتعلم ابدا

اما هنا فى النت فلايوجد الا الخيال فقط

وكل المعاملات الموجوده فى الت تتطلب من العقل وظفية واحده وهى وظيفة التخيل والتوقع فبالتالى

يعتبر وهم