Wednesday, January 23, 2008

شىء غريب

حد قريب مننا أو بس عرفناه يموت ....نفضل فتره مانفكرش ف حاجه غير الموت ونحس انه قريب اوى مننا وان كل نفس داخل لنا مش هايخرج تانى...وتلاقى تصرفاتك اتغيرت وكلامك بقى فيه رنة شجن وزهدت الدنيا ف لحظه....حد بس يعزمك على فرح...وانت قاعد تتمنى لو انك مكان الفرحانين ف الفرح....مش حسد لأ ...بس تبدأ تفتكر امنياتك اللى نفسك تحققها وتتخيل فرحتك بيها لحظة ما تحققها........تبقى متغاظ من ابوك اوى لأنه مش راضى على اللى انت طلبته منه وتقعد بينك وبين نفسك تقول انه متسلط وبيحاربك نفسيا وانه مبسوط وانت مدايق...... ويجى يتكلم معاك على حياتك وحياته وانه مش عايز حد ف الدنيا دى أحسن منه غيرك وانه مش هايحرمك سعاده هايقدر يمنحهالك ف الدنيا ....تبدأ تحس انك ظلمته وانه أطيب أب ف الدنيا ونفسك تقوم تبوس إيده بس مكسوف....وإنك لو طلبت منه دلوقتى اى حاجه هايقولك عليها مليون حاضر.......حاجه غريبه....فعلا

28 comments:

Anonymous said...

فعلا شعور غريب بس جميل
هيا دي طبيعة النفس البشرية
حبة كده وحبة كده
حسب ما التيار ماشي
دي حاجه اسمها كده والله اعلم الاسقاط
اي نري الدنيا من حولنا من خلال الاحداث التي تحدث حولنا
مظهر الدهراني

انين الحزن said...

حلو البوست هو فعلا احساس عند كل الناس

المهم دلوقتي والا محيرني انتي بنت صح صح ؟؟ ليه سبع الليل ليه مش سبعه يعني او تمانيه حتي

انا بهزر معاكي بس بجد ليه الاسم ده

اه نسيت اقولك حاجه اسلوبك في الكلام حلو اوي عجبتيني اوي انا قريت شويه بوستات كدا
وطلعتي جامده

سلاموووووووووز

انين الحزن said...

حلو البوست هو فعلا احساس عند كل الناس

المهم دلوقتي والا محيرني انتي بنت صح صح ؟؟ ليه سبع الليل ليه مش سبعه يعني او تمانيه حتي

انا بهزر معاكي بس بجد ليه الاسم ده

اه نسيت اقولك حاجه اسلوبك في الكلام حلو اوي عجبتيني اوي انا قريت شويه بوستات كدا
وطلعتي جامده

سلاموووووووووز

انين الحزن said...

اول زياره ليا

وان شاء الله مش هتكون الاخيرة

جميله المدونه اوي وحلو البوست والحاجات الغريبه موجوده كتير اوي

سعيده جدا بتشريفك عندي ومبسوطه اكتر اني وصلت للمدونه

سلامووووز .... وزة

انين الحزن said...

اول زياره ليا

وان شاء الله مش هتكون الاخيرة

جميله المدونه اوي وحلو البوست والحاجات الغريبه موجوده كتير اوي

سعيده جدا بتشريفك عندي ومبسوطه اكتر اني وصلت للمدونه

سلامووووز .... وزة

انين الحزن said...

اول زياره ليا

وان شاء الله مش هتكون الاخيرة

جميله المدونه اوي وحلو البوست والحاجات الغريبه موجوده كتير اوي

سعيده جدا بتشريفك عندي ومبسوطه اكتر اني وصلت للمدونه

سلامووووز .... وزة

انين الحزن said...

انا نفسي افهمه بجد

هو التعليق مش بيتساب ليه

يارب المره دي يكمل بقه

Mkjwe said...

فعلاً حاجة غريبة الواحد مش عارف يعمل اية!!
بس دي حاجة مينفعش نعمل فيها اي حاجة
لؤؤل
تحياتي

Mkjwe said...

فعلاً حاجة غريبة وشيء غريب بيحصلنا كلنا
بس بجد دي حاجة مينفعش نعمل فيها اي حاجة .. مش كدة ولا إية!؟ لؤؤل
بوست جميل
تحياتي

cinderella said...

الله الله
داحنا هنا كمان بقي ومخبثين
طيب تعرفي يا احلي واحده انتي
المكان من غيرك ضلمه يا قلبي انتي
واي مكان نكون كلنا فيه والله جنه وروعه روعه
وبعدين موضوعك هنا كتير مختلف عن هناك
اممممممممممم
انتي هاسله والله هايله
برضه هحبك هنا ولا هناك مانتي حبيبتي وبنت بلدي الحلوه اللي ما استغني عنها
ومعاها دايما فين ما تكون ووقت ما تحتاجني بس تقول جزر
ههههههههههه
حياتي ليكي والله
حبي للغاليه

Anonymous said...

يحرق حريشك ياقروبه هاذا انتي
كيفك ياقمر سامحيني حبيتي بس كنت بربي الي في البيت عشان مرة تانيه يسمعو الكلام هههههههههه

لك والله ليكي وحشه كويس انك هنا من قبلنا عشان لم نتنتح في موضوع تحكيلنا ها هههههههه

فلامنكوووووووووووووووووووو لعيونك

Dr. Ibrahim said...

فعلاً
والاب مهماكان بيبقى خايف على مصلحة ابنائه
بس احنا اللى مش عاجبنا
وبعدين برده مش حاجة غريبة الحال المتقلب
د/هيما

ميرام said...

التقلب بين السخط والرضا ..


ده طبع بني آدم ...

ربنا يهدينا جميعا ..
سعدت بزيارة مدونتك
تقبلي مروري
تحيـــــــــاتي

Anonymous said...

النفس البشرية مليئة بالمتناقضات
لا نعرف لماذا
ممكن فى بعض الساعات تلاقى عندك حاجة مش عارفاها وقافلة نفسك عن الدنيا
وفى بعض الاوقات تلاقى نفسك مبسوط وفرحان
من غير سبب

هذه هى الحياه الدنيا
بحلوها ومرها

مصرىىىىىىىىىىىىىى

Anonymous said...

النفس البشرية مليئة بالمتناقضات
لا نعرف لماذا
ممكن فى بعض الساعات تلاقى عندك حاجة مش عارفاها وقافلة نفسك عن الدنيا
وفى بعض الاوقات تلاقى نفسك مبسوط وفرحان
من غير سبب

هذه هى الحياه الدنيا
بحلوها ومرها

مصرىىىىىىىىىىىىىى

فارس ابونضال said...

انتى قفلتى التعليقات هناك فى البتاع التانى ليه انا مش عرف اسلم عليكى هناك ممنوع التعليق وهنا مش بتردى عليه
انتى مش عرفانى
انا فارس ابونضال مدونة الحب الحقيقى لسه مش فكره وبعدين يا وحيدة هههههههههههههه

Anonymous said...

وحيدة


ارجو منك فتح باب التعليقات فى المدون

لماذ غصة فى الحلق

اقراى القران

وصلى ركعتين لله ليفك الكرب

واتركى امرك كله لله

وسترين

مصرىىىىىىىىىىىىىىىىىىىىىى

Anonymous said...

تفريج الكروب

من ادعية الرسول صلى الله عليه وسلم

مصرىىىىىىىىىىىىىىىىىىىىىىىىى

sara samy said...

جميل ماكتبتي وفعلا في تسائل احنا حوانا بنساله لاي انسان قريب مننا يمكن منعرفش قيمته وخوفه علينا الا بالمواقف والاحداث اللي تخلينا نندم ليه بيعمل كده وبرضه في ناس بتتظاهر انها قريبه اوي مننا وانها بتخاف علينا وفاللواقع بيكون حد بيخدعنا بحبه واهتمامه ده
جميل الاحساس هنا وواصل اوي
ومتختفيش تاني عشان بتوحشينا ياوحيده
مشاعر اانسان

نور said...

كل عام وانت بخير وحيده

Anonymous said...

كل عام وانت بالف خير

مصرىىىىىىىىىىىىىىىىى

إسماعيل مرتضى said...

بالفعل حاجة غريبة

بالمناسبة..سعدت بوجود هذه المدونة
تحياتي يا وحيدة

إسماعيل مرتضى

سقراط مصر said...

اهنئ نفسي اولا على عثوري على تلك المدونة الجميلة
ثانيا تدوينتك ذكرني باشياء كثيرة
اولا الرابط والرابط ده في علم التنمية البشرية بيربط بين حدث وذكريات معينه يعني لما تحصل جنازة لحد قريبك تتذكر الدموع والالم ولما تتذكر الدموع والالم تتذكر بعض المواقف اللى نزلت فيها دموعك وحسيت بالالم وتبدا الحزانه بقى
كذلك الامر بالنسبة للفرح
الفرح يعني بهجه وسرور وانت ليل نهار بتحلم انك تبقى سعيد ومسرور
هتبقى سعيد ومسرور امتى لما تحقق احلامك
وتبدا الفراحه

اما بالنسبة للاب
فان بعض الظن اثم
وكمان يا جماعه الواحد على قد ما ممكن يدايق ولو ثواني من والده
بيرجع يفكر ازاي هو عايش وحاسس بالامان ومبرطع في قلب البيت والمنطقة ولا عايل هم لا فلوس ولا مصاريف ولا اي حاجه بيرجع يستحقر نفسه انه فكر ولو ثواني انه يزعل من ابوه
اسف على الاطاله
تحياتي

promise is promise said...

اولا انا مش قريت البوست بس حسيت انى اعرفك ومن بلدى قولت لما ادخل اتعرف

عموما منوره
واكيد ليا زياره تانيه هنا انا بس جيت على السريع

promise is promise said...

ادينى جيت تانى اهوه

وبرضه حسستينى انى بخيله علشان مش قريت البوست

فعلشان كده قريته لا وكامن بعلق لا وكمان هتعرف عليكى من مدونتك وانتى كمان يشرفنى زيارتك ليا

نيجى بقا للبوست
وانا بقراه افتكرت فيلم
weather man
رجل الطقس
نيكولاس كديج

البوست ده فيه روح الفيلم لو كنتى شوفتيه

يالا يا ستى نورتينى
وياترى احنا بلديات ولا لا
انا قولت يمكن لما لقيتك عند دكتور هيثم وبتقولى كنتى فى الفرح
فقولت اكيد بلدياتى
عموما نروتى

Anonymous said...
This comment has been removed by a blog administrator.
Anonymous said...

العزيزة مرمر
أنا هنا
و سعيدة إني اكتشفت طريقة تواصل تانية معاكي و مع قلمك
كلامك صح و طبعا على لساني و جوانا كلنا

Anonymous said...

تحياتي للي بتطلع الطفلة اللي جوايا